МагӀалбика кхале дийцар РОСТОс тӀема водителаш Ӏомабарах
МагӀалбика кхален администраце кхетаче дӀайихьар Къоастой Ӏаддал-Хьамида кулгал деш, из хетаяьй водителаш тӀема гӀулакх леладе Ӏомабара РОСТО автошколе. Из дош дувцаш, дакъа лоацаш хилар доал дара моттигашкара кулгалхой, яхаш, хоам бу «Сердало» газетага кхален администраце.
Керттера терко тӀаяхийтар РОСТОца бувзам лелабара, лакха балха говзал йола водителаш кийчбара, уж тахан чӀоаггӀа эшаш ба Герзашцарча низий мугӀарашка.
Эскаре тӀахьехараш теоретически а практически а Ӏомабалар дӀахьош ба, цул тӀехьагӀа царна категорех дола водителий тешал хьалу, эскаре эшаш дола. Къоастой Ӏаддал-Хьамида белгалдир, уж санна бола говзанчаш керттера дакъа лоацаш хилар тӀема кийчон даькъ тӀа, иштта дийцар пайда боалаш хиларах эскаре водителаш Ӏомабарах», - аьлар хоамо.
Кхетаче чаккхйоалаш, тӀадиллар тӀема комиссариаташца бувзам дикагӀа лелабар, кагирхошта тӀема говзал Ӏомаяра.
