Магӏалбика кхале нах тӏаийцар, цар дехарашка ладувгӏар духьа
Магӏалбика кхален администраце кулгалхочо Къоастой ӏаддал-Хьамида бахархой тӏаийцар, цар дехараш довза дагахьа. Из къамаьл дӏахьош, техкар лаьттанца дувзаденна, вахара- коммунальни боахама дешаш.
«Цига дакъа лоацаш хилар администраце говзанчаш, цар новкъостал дир наха шоай хаттараш нийса оттаде, иштта хьалхадаьккхар де йиш яр. Цхьацца долча хаттарех де дезар белгалдир. Уж дерригаш а шахьара кулгалхочо ший теркаме ийцар, шоай ханнахьа, тӏехьа ца доаккхаш, царна жоп далара.
«Нахаца болх дӏабахьарах сона керттера декхар хет, хӏана аьлча къаьстта къамаьл хиларо таро лу ший ханнахьа кхален бахархой хьашташ довза», - аьлар «Сердало» газетага Къоастой ӏаддал-Хьамида.
Цо белгалдир, цу тайпара нах тӏӏаэцаш хиларо нахацара бувзам чӏоагӏбелга. Кхетачено таро лу бахархошта хьалхашка нийслуш дола хаттараш кхоачашдарал совгӏа, доал дара даькъ тӏа нийслуш дола кхоачамбоацараш довза а.
