МагӀалбика кхале «Асфальта тӀа сурт диллар» яха кхоллама яхь хилар
МагӀалбика кхален СоагӀапча дӀайихьар «Асфальта тӀа сурт диллар» яха кхоллама сайре, къонабараша дакъа а лоацаш. Из хетаяь яр Сийлахь-боккхача Даьймехка тӀем тӀа Котало яьккха 80 шу дизара, яхаш, дийцар «Сердало» газетага кхален администраце.
Моттигерча культуран цӀен, ишколай, «Хьалхарчар болама» бераша, ондаргаша советски салташа яьккхача коталон сурташ дийхкар, тайп-тайпара бесаш долча мелашца. Шоай балхашка къонача суртанчаша хьагойтар Коталон белгало, тӀема техника, латара кепаш.
«Цу тайпара кхетаченаш дӀахьош хиларо берашта новкъостал ду Сийлахь-боккхача Даьймехка тӀема лоархӀам бовза, иштта вай даьшта цу тӀем тӀа карагӀдаьннар диц ца де», - аьлар из болх вӀашагӀбеллараша.
Кхоллама яхь дӀахьош, исторически тӀемах дола бакъдар хар лоархӀаме долга дувцаш, къамаьл дир.
