МагӀалбика кхале наркомане кхерамах лаьца кино гойтар
Вежарий-Юртарча культуран ЦӏагӀа тематически кино гойтар, из хетадаь дар наркоманена духьала беча балха, унахцӀено лораяра. Из болх дӀабахьарга кийчо йир МагӀалбика кхален культуран-салоӀама центро, цо кхоачашъю бахархошта юкъе наркотикаш йоаржаяра духьала нах хургбола программаш.
«Документальни фильм гойташ, дийцар наркотикаш йоацаш ца мегача кхоачавеш долча хьалех; тӀеххьара цар мичахьа кхоачаву, уж лелаяьча наьха вахаре нийсденнача доккхийча хатарех дийцар. Иштта тахан наркотикашца дувзаденна хьал леладеш бараш, цар шоай лоӀамца лерттӀача вахарга юхабоалабе таро хиларах а аьлар.
Фильмага хьежачул тӀехьагӀа, гулбеннарашца къамаьл дир, наркотикашца къовсам лоаттабара йолча кхален комиссе секретара Хамхой Ӏалихана. Цо белгалдир из мел доккха зе да, иштта кагирхой тӀахьийхар нийсача вахара наькъ тӀа хилара», - аьлар «Сердало» газетага МагӀалбика кхален КДЦ.
Вежарий-Юрта дӀайихьа кхетаче цхьаькха гӀа бар, нийсача вахарга кагирхой бигара боккхаш бола, хӀана аьлча могашал хьалхарча моттиге латта еза.
