МагӀалбика кхале культуран цӀеной кийчонга хьежар
Коталон Ди дола цӀай хьатӀадоагӀаш, МагӀалбика кхален администраце вахара отдела кулгалхочо Бохтаранаькъан ИбрахӀима, говзанчас Цӏечой Асета тӀахьожама болх дӀабихьар СоагӀапча, Инаркъе, Дола-Коа, яхаш, дийцар «Сердало» газетага кхален администраце.
«Кхален кулгалхочо Къоастой Ӏаддал-Хьамида тӀадиллача декхарах, администраце болхлоша мах оттабир культуран моттигий кийчонна, Сийлахь-боккхача Даьймехка тӀем тӀа Котало яккхара накъаболхаш, гӀишлош кийчъяра. Из болх дӀахьош техкар цӀай хьатӀадоагӀаш де лерхӀаш дар», - аьлар хоамо.
Бохтаранаькъан ИбрахӀима белагалдир, юртарча культуран цӀеношка дӀахьош бола болх лоархӀаме хилар, моттигера Ӏадаташ лораде дезаш хилар.
Маьтсела бетта 9-ча денна накъаболхаш, бахархой таро хургья дика кийчъяьча кхетаченашка дакъа лаца, наьха барт цаӀ хилар чӀоагӀдергда цар.
