Йоккхача Ачалкхерча дешархошца лоархӀаме кхетаче дӀайихьар
26.02.2025 16:53
Йоккхача Ачалкхерча № 22 йолча ишколе наха низ бара духьалара кхетаче дӀайихьар. Кхетаче дакъа лоацаш бар Джамболатанаькъан Мухьмад, низ бара духьала къовсам лоаттабеча оагӀон кулгалхо, дийша нах Йовлой Хьажмурд, Хазанаькъан Ӏалихан. «Сердалога» из хоам бир кхален администрацера.
«Иштта йолча кхетаченашка кагирхошта хьалхадоаккх цу зуламех лоравалар мишта хила деза, харцача наькъ тӀа баьнна нах тувлбеш лелараш мишта бовза беза», - йоах хоамо.
Дешархой раьза бар цу кхетаченана, хӀаране хаттар доашхаш ха дӀайихьар цига. Тахан латтача хана чӀоагӀа лоархӀаме да ишта дола вӀашагӀкхетараш дӀакхахьар.
