Кердача тохкамий бокъонех дийцар МЧС
12.09.2025 11:21
Кердача тохкамий оагӏонцарча бокъонех дувцаш, кхетаче дӏайихьар вай мехкарча Россе МЧС керттерча даькъе. «Сердалога» из хоам цу моттигера бир.
«Керттера болхло волча ӏахилганаькъан Мусас белгалдир, цӏерцарча кхерамзленца дувзаденна хан-ханнахьа цхьацца моттигашка дӏа-хьа ахар дӏадаьккхалга, тохкама болх дӏакхухьаргба кхерам геттара лакха болча моттигашка. Цу юкъейолх ишколаш, берий бешамаш, моллагӏа бераш чудола моттигаш, унахой бадаш йола дарбанчеш», - йоах тхогарча хоамо.
Нагахьа кхоачамбоацараш гучадаьлча, прокуратурага, Ростехтӏахьожама оагӏонга дӏалу из гӏулакх.
Иштта йолча кхетаченаша шоай болх таханарча хано дӏадеххача тайпара дӏаоттабе гӏо ду инспекторашта.
