Фецарча кемашцара хатар хилча, фу де деза гойташ хилар МЧС
01.08.2024 09:12
Республикерча Россе МЧС керттерча моттиге РСЧС оагӀонцарча моллагӀча хатара духьалара шоай кийчо малагӀча боараме я гойташ, хилар болхлой. Фецарча кемашца из болх дӀабахьар мишта хила деза шаьрдир МЧС викалаша.
«Шолжа-Шахьарерча ЕДДС болхлочунгара хоам кхаьчар, «Магас» яхача аэропорте Ӏоха дезаш дола BoeӀng 737-800 яха фецара кема, цӀаьхха хаоттам хувцабаларах, Ӏолохдала дезача доазон тӀара арадаьннилга.
Кема тӀа ва 6 болхло, 124 наькъахо. Ӏалаьмате чехка оарцагӀбахар из хатар дӀадаккха МЧС болхлой», - дийцар «Сердало» газетага. Иштта хӀама нийсденнача, шоаш кийча хилар малагӀча боараме латт дӀахьекхар сиха оарцагӀа ухараша.
Деррига дика чакхдаьккхар цар. Болх йистебаьлча дӀайихьача кхетаче белгалдир, иштта йолча моттигера керттердараш.
