ИнгГУ лорий колледже, 46 дешархочоа дипломаш дӀаделар
ГӀалгӀай паччахьалкхен университета лорий колледже дийша ваьннача 46 сага, юкъера лорий дешар дийша хиларах дола дипломаш дӀаделар. Царех дукхагӀбараш кастлуш дарбанчешка болх бе арабала кийчлуш ба. Цхьабараш ИнгГу лорий институте дешар дӀаходахьа безам болаш ба.
«Дипломаш дӀаденначул тӀехьагӀа, дика дешаш, юкъарча вахаре дика дакъа лоацаш хиннарашца кхетаче хилар; паччахьалкхен университета ректора Ӏалбаканаькъан Фатимай.
Дийша баьннараша цу кхетаче баркал аьлар шоай хьехамчашта, шоашта иштта дика хьехарах, кхетам баларах, хӀаьта ректора уж даькъалабийцар, лаьрхӀачунга кхачара цар аьттув хилар ловш долча дешашца», - аьлар «Сердало» газетага ИнгГУ.
ГӀалгӀай паччахьалкхен университета аргӀанара лорий колледжа дешархой хилар- мехка лоархӀаме хӀама да, хӀана аьлча цар шоай болх дӀаболабергба дарбанчешка, бахархошта цох новкъостал хургда. Лорий дешар дешаш хилар мехкарий, кагий нах тайп-тайпарча доакъош тӀа; царна юкъе дарба дар, молхашцара болх а болаш (фармацевт). ДукхагӀчар дика толамаш а гойтар.
