Магаса мэре кӀира баь болх хьоахабир, шахьар тоаярах дийцар
Магас-Шахьара мэра декхараш кхоачашдеш волча Тиймарзанаькъан Мусас кхетаче дӀайихьар, цига дийцар дӀадахача кӀира баьча балхах, шахьара доазув тоадара де лерхӀачох. Из хоам «Сердало» газетага бир шахьара администраце.
«Къаьстта баркал аьлар Тиймарзанаькъан Мусас, къахьегама шоатта ди дӀахьош дика дакъа лаьцарашта. 200 совгӀа саг къахьегаш хилар, керттерча ялх доазон тӀа лостам беш», - аьлар хоамо.
ЛоархӀамеча дешаех дар шахьар кийчъяр. Мэра декхараш кхоачашдеш волчо тӀадиллар кафеш, мах беш йола моттигаш тӀахьожам болаш хилийтар, иштта шахьара доазонаш кийчдар техкар, дикагӀа хургдолчунга хьежар.
Къаьстта дийцар, Коталон Ди дездеш еча кийчонах. Керттера терко тӀаяхийтар Коталон парк йистеяккхара, уж балхаш йиллача хана йистедаха дезаш хилара. Цо белгалдир, цӀай дӀадахьара юкъе из лоархӀаме оагӀув хилар.
