Магӏалбика мэре дийцар шахьара болхлой керттера декхараш

«Администраце кулгалхочун гӀончас Кӏориганаькъан Мухьмада дийцар коммунальни даькъ тӀарча хьалах, деррига балхаш шоай боарамах дӀахьош хиларах, ара хаоттам хувцабаларца доккхийча наькъашкара хьал тоадеш хиларах. Цо иштта белгалдир коммунальни хьалех бола Ӏаьдала мах дӀабалийта гӀерташ беш бола болх», - аьлар хоамо.

Администрацен вахара отдела кулгалхочо Бӏарахой Б. довзийтар Даьхен лорбой Денна хетаяь кхетаче дӀаяхьара мишта кийчо ю. Цунна чудоагӀаш, «Сийле» яхача мемориала тӀа зизаш дохкаргда.

Керттера теркам тӀабахийтар, ца йоагӀача нувхаш Ӏокхувсаш хилара. Шахьара кулгалхочо тӀахьийхар экологически, санитарно-эпидемиологически боарам а бокъонаш а телхаераш административни бехктокхаме озара.

МагӀалбика-Шахьара мэра Галай Мусас дикка ладийгӀар хӀаране къамаьлага, белгалдир укх кӀира кхоачашде деза керттера декхараш.