МагӀалбика кхален болхлоша совгӀаташ делар
МагӀалбика кхален балха ди дӀадоладелар кхетаченца, из дӀахьош вар кхален кулгалхо Къоастой Ӏаддал-Хьамид. Кхетаче дийца дош дувзаденна дар лоархӀаме декхараш кхоачашдарца, иштта администраце болхлошта совгӀаташ даларца, яхаш, хоам бу «Сердало» газетага.
ГӏалгӀай Республикан кулгалхочо Келаматанаькъан Махьмуд-Ӏаьлас тӀадиллача декхарах, ийс болхлочунна «ГӏалгӀай Республикан 100 шу» дизара майдилгаш елар.
СовгӀаташ деннарашта юкъе вар кхален кулгалхочун гӀонча Къоастой Руслан, Мержой Исраил, администарце гӀулакхаш леладеш йола Налганаькъан Фажарет, иштта отделий кулгалхой: Джамболатанаькъан Мухьмад, Бекбузаранаькъан Хади, Бохтаранаькъан ИбрахӀим, Бохтаранаькъан Фатима, Беканаькъан Мухьмад, Хугой Ӏашат.
Администраце кулгалхочоа Къоастой Ӏаддал-Хьамида иштта елар ГӏалгӀай Республикан Кулгалхочунгара йоагӀа сийлен грамота, майдилг.
Къоастой Ӏаддал-Хьамида баркал аьлар болхлошта, белгалдир цар болх лоархӀаме хилар; кхале дегӀайоалаяра, хозлуш, тоалуш хилара даькъ тӀа шоашта хьалхашка оттадаь декхараш цар дика кхоачашдеш хилар.
