Яндарен «Керда» яхача кхале, канализаци мукъайоаккхаш боахк болхлой
Яндарерча «Керда» оалача кхале канализаци дӏайикъарах этта хьал меттадоаладеш боахк цу оагӏонцара болхлой. Из хоам «Сердалога» бир Наьсарен кхален администраце. ГУПа «Цаӏ вола оператор» яхача оагӏон болхлой, ди, бийса ца къовсаш, къахьегаш боахк цига. Геттара чӏоагӏа къахьега дезаш, доккха хатар да цига эттар», - йоах тхогарча хоамо.
Цхьацца болча наха цу оагӏонцара хӏама боаггӏача боараме лорацадарах, шоаш леладечун вӏалла уйла еш цахиларах, хьаэтта хатар да из.
Иштта бола болх дӏахьоча моттигашкара вӏалла а турбашка хила йиш йоаца хӏамаш арайоах. Хӏама бе-башха доацараша ӏочутувсаш йолча памперсаша, пахашкаша, пленкаша, иштта кхыйолча нувхаша хьадеш хатар да из канализацеца нийсденнар.
Хӏара сага тӏехьа тӏахьожам лоаттабар ЖКХ болхлой вӏаштӏехьадаргдолаш хӏама дац! Бахархошка кхайкарал ду, боккъал а уйла е оашош леладеча хӏаман! Ма тувса канализаце чу нувхаш, шоашта новкъа мел йола хӏамаш!
Цига къахьегаш боахкача нахаца лерхӏам лелабе, хатараш хургдола бахьанаш ма леладе!
