«Волга - 14» яха ДПС пост дIаяьккхай яха къамаьл бух боацаш долга белгалдир Миннаце
12.11.2025 09:44
Интернета оагIонашка гIолла хIара денна арадувл бакъдоаца хоамаш. Карарча хана геттара даьржа да, «Волга - 14» яха ДПС пост дIаяккхарах дола Халкъа Гулламгара каьхат. Къаман политикахи, бувзамехи, хоамехи йолча министерстве белгалдир, из къамаьл бух боацаш, Халкъа Гулламца цхьаккха бувзам боацаш долга.
«Мехкарча парламенте цох лаьца цхьаккха хIама дац. Дер дайна, нах хьалхьебеш лелараша арадоахаш къамаьлаш да уж, царех теша эшац!» - дийцар «Сердалога» Миннаце.
МоллагIа цу тайпара арадаьнна хIама бух болаш дий тохкаш хилча, эггара хьалха Халкъа Гуллама керттерча оагIонга гIолла тахка деза, е кхыйолча Iаьдала моттигашка гIолла.
