ГӀуозлой КЦ кулгалхочунца кхетаче дӀайихьар мехкарча миннаце
ГӀуозлой оагӀонна хьалхалаттарашца къамашта юкъера бувзам чӀоагӀбарах дувцаш, кхетаче дӀайихьар миннаца болхлоша. Из хоам «Сердалога» цу моттигера бир.
«Кхетаче дийцар, вахара тайп-тайпарча оагӀонашка гӀолла, иштта кхыйолча моттигашка къамашта юкъера барт, цхьоагӀо дохадеш, нах шоайла бирсбеш дола къамаьлаш доаржаде йиш йоацилгах, цу гӀулакха массахана духьале лоаттае езилгах.
РФ чӀоагӀъяь латта бокъонаш лораеш, къамашта юкъе машар боаржабеш хила безилга белгалдир кхетаче»,- йоах тхога бенача хоамо. ГӀуозлой къаман викалашта хьалха латтача кулгалхочо чӀоагӀа раьза волаш хьаллаьцар из къамаьл, цу оагӀонца къахьегаргда ше аьлар. Иштта йола кхетаченаш лоархӀаме я тахан. Цу гӀулакха керттера декхар - наха юкъе эгӀазло есса, цхьа моллагӀа хатар хилар кхерам бола хӀама дарже, лакхе латтарашка цох ханнахьа хоам бар, юкъера барт чӀоагӀбергбола болх дӀабахьар.
