Дешара, Ӏилман Министерстве дийцар дешарца дувзаденнача дешаех
20.02.2025 14:24
ГӀалгӀай Республикан дешара, Ӏилман Министерстве нах тӀаэцаш дола ди хилар, цига бахархоша тӀакхихьа хаттараш дар дешара даькъ тӀара.
Керттера хаттараш дар дешара моттигашка балха оттарах, дешархошта юрташка керда ишколаш хьалъярах, хьехархошта толамаш дахарах совгӀаташ даларах лаьца.
«Тхо массайолча хана кийча да нахацара къамаьл дӀадахьа. Из нахаца айхха юкъамоттиг лелаяра бола керттера бувзам ба.
Оаха кхетаду, цу тайпарча кхетаченаша новкъостал ду хьалхашка нийслуш дола декхараш дикагӀа кхоачашде», - аьлар мехка дешара, Ӏилман Министра Цхьорой Ахьмад-Башира.
Нах тӀаэцара долча денна чаккхе еш, уж деррига хаттараш кхоачашдар ший теркаме ийцар цо.
