ГӀалгӀайчен дешареи Iилмани Министерстве дийцар, Халкъа Гулламга мехка Кулгалхочо даь Кхайкарал
ГӀалгӀайчен дешареи 1илмани Министерстве, цун кулгалхочо Цхьорой Ахьмад-Башира кулгал а деш, дӀахьош хиннача кхетаче дийцар мехка дешара министерствонна хьалхашка латтача декхарех, иштта мехка Кулгалхочо Келаматанаькъан Махьмуд-Ӏаьлас Халкъа Гулламга кхайкарал даь хиларах.
«Вайна дика гуш да хулаш латта дешара даькъ тӀара хувцамаш, дукхагӀча даькъе «Дешар», «ДегӀаахар» яха къаман проекташ кхоачашъеш хилар. Мехка а республикан а кулгалхоша цу тӀехьа къахьегаш хиларах хьаеллаш латт керда ишколаш, берий бешамаш, берашта тӀехьара тӀа луча кхетама центраш. Федеральни центра, республикан кулгалхоша дукха низ а хьинар а дӀадахийтад вай берашта дикагӀа дола дешара хьалаш хьакхоллара», - аьлар Цхьорой Ахьмад-Башира.
Белгалду, ГӀалгӀайчен Кулгалхочо республикан парламентага даьча кхайкарал тӀа дукхагӀча даькъе дийцар, вай кагирхой дийша баьнначул тӀехьагӀа балха отта йиш йолаш хургбола балха Iилма а хIама хьаде хар а цхьана довзаш хилийтарах. Каьхата тӀа иштта белгалду 2027 шерга кхоачаш, ишколаш цхьан сменах хилийтара а берий бешамаш цIенхаштта тоаяра а дешаш.
