ГӏалгӀайчен дешара, Ӏилман Министерствос «Хьалхарчар боламца» бувзам лелабарах дийцар
ГӏалгӀайчен дешара, Ӏилман Министерствон кулгалхочо Цхьорой Ахьмад-Башира кхетаче дӀайихьар, «Хьалхарчар болам» яхача моттигерча даькъа кулгалхочунца Албохчанаькъан Маринайца, цига цар дийцар шоайла дӀахойодача хана айхха бувзам лелабарах, къаьстта кхувш йоагӀача тӀехьенна патриотически кхетам луча даькъ тӀа.
«Кхетаче дӀахьош, цу балха даькъ тӀа де лерхӀачох дийцар, хьалхашка латта декхараш белгалдир. Цу тайпара болх дӀахьош хиларо таро хулийтаргья вай кагирхой вахара оагӀув дика хьаллоацаш хилийта, берашта кхетам балара болх каст-каста дӀабахьа.
Албохчанаькъан Маринас гойтар болама доакъош дика къахьегаш хилар, уж даим цхьацца балха дакъа шоашкара юкъедоаладеш хул мехка лакхарча дешара, ишколай даькъ тӀа», - аьлар «Сердало» газетага ГӏалгӀайчен дешара, Ӏилман Министерстве.
«Хьалхарчар болама» къахьегам ерригача Россе гӀолла дӀабаьржаб, из лаьрхӀа ба Россе мах бараш лораде, юкъарло чӀоагӀъе, иштта уж къонача россенаькъанна новкъостал де, цар начӀал дикагӀа довзийта.
