ГӀалгӀайчен дешара, Ӏилман Министерстве карагӀдаьннар дувцаш, кхетаче хилар болхлой
ГӀалгӀай Республикан дешара, Ӏилман Министерствон болхлой вӀашагӀкхийтар 2024 шера баьча балха чаккхе яра, иштта 2025-ча шера де дезар белгалдаккха, яхаш, дийцар «Сердало» газетага цу дешара моттиге.
Ӏилман, дешара Министерствос хоам бир, 2024 шера республике хьайийллай бархӀ дешара моттиг, цо таро елар 5068 дешархочун деша моттиг Ӏалашъе, цул совгӀа, шиъ берий беш хьайийллар, 440 моттиг йолаш. Геттара чӀоагӀа тояра чуйоагӀаш, кердаяьккхай ялх дешара моттиг.
Белгалду, «Дешар» яхача къаман проекта чудоагӀаш, берий а кагирхой а кхолламий таронаш совйоахаш хилар.
Спортаца ювзаенна занятеш дӀаяхьара дола хьалаш тоадаьд къаьстта юрташка, цига хьайийллай ялх керда спортивни майда. Иштта хьайийллай «ДегӀавара моттиг» яха центраш 111-тта ишколашка, таьрахьий дегӀадара шоллагӀча дешара «ӀТ-клуб», шиъ «Кванториум» яха берий клуб.
Кхетаче йистейоалаш совгӀаташ делар министерствон болхлошта, шоай болх цар тешшаме дӀахьош хиларах, иштта ГӀалгӀай Республикан паччахьалкхен 100 шу дузаш хилара накъаболхаш дешар дика дегӀадоаладарах.
