ГӀалгӀай къаман
юкъара газет

КӀалвисачоа гӀо мишта де деза гойтар, Ӏалама гӀулакхех йолча Министерстве

КӀалвисачоа гӀо мишта де деза гойтар, Ӏалама гӀулакхех йолча Министерстве

«Кхетам» яхача Россерча оагӀон «Кхетам. Лекторий» яха проект хьаллоацаш, кӀалвисача сага эггара хьалхарча аргӀагӀа малагӀа новкъостал де деза гойтар, Ӏалама гӀулакхех йолча Министерстве. Из хоам «Сердалога» бир цигарча зарбан болх лелабераша.

«ГӀо деш лелараша - унахцӀенон оагӀон болхлоша дийцар, эггара хьалхара новкъостал сенах латт; иштта белгалдир, гӀо деча хана, лораде дезараш. МалагӀча хьале эттача сага эш гӀо, хьалхадаьккхар цар, мунда Ӏойилла хьахьекхар, из болх мишта дӀабахьа беза», - йоах тхогарча хоамо.

ЧӀоагӀа лоархӀаме да уж хӀамаш довзаш хилар. ЦӀаьхха, цхьа хатар хинна, саг гӀо эшача кхаьчача, лораш хьатӀакхачалехь, цунна де дезар нийса чакхдаккхаро сага унахцӀенон доккха дика ду. Болхлошта юкъе бар, иштта дола хатараш хиннача моттигашка наха гӀо деш хиннараш. Хам, мах баь варгвоацаш, доккха дика да уж гӀулакхаш довзаш хилар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде