ГӏалгӀайчен юртбоахама Министерстве боахамий кулгалхошца вӀашагӀкхетар хилар
ГӏалгӀайчен юртбоахама, кхачан Министерстве кхетаче хилар мехка агропромышленни даькъ тӀа болх беча кулгалхошца. Керттера дийцар дар ГӏалгӀайчен АПК дегӀайоалаяр, юртбоахама предприятешка балха овсарле лакха хилийтар. Кхетаче дӀахьош дийцар цу даькъ тӀара керттера хаттараш.
«Юртбоахама балха хаттарашта юкъе дар иштта йоалах дола декхар дӀадаларах, лизингови оала декхараш кхоачашдарах, гуйранарча кхашкарча балхашта кийчо ярах. Иштта Ӏан кӀалха дувш долча ялата тайпай чаккхе йир. Кхетачен доакъашхоша дийцар, шоай боахамашкара хьал. Дийцача къамаьла юкъе керттердар, хьалхашка латта декхараш кхоачашдар, иштта гурахьа дӀахьоча кхашкарча балхашка кийчо яр, из лоархӀаме да республикан агропромышленни комплекс дегӀайоалаяра даькъе», - аьлар «Сердало» газетага мехка юртбоахама, кхачан Министерстве.
Кхетачен чаккхе еш, гулбеннараша барт бир дӀахо шоайла бувзам лелабе, ГӏалгӀайчен юртбоахам дегӀабоалабе, цунна хьалхашка латта декхараш кхоачашде. Юртбоахам дика дегӀабоалабара лерттӀа хьалаш лоаттадар, министерствон керттерча декхарех да.
