Москве дийцар, ГӏалгӀай мехка спортивни латар дегӀакхувларах
Москве кхетаче хилар физически культуран министра Белхарой Руслана, Россе спортивни латара Федераце президентаца Мамиашвили Михаилаца. Дувца оттадаь дош дар вай мехка спортивни латар дегӀадоаладар, яхаш, дийцар «Сердало» газетага цунна чубоагӀача боахаме.
«ГӏалгӀайчен доазон тӀа керда проекташ кхоачашъярах дувцаш, Мамиашвили Михаила ерригача Федераце цӀерагӀа аьлар, из гӀулакх хьаллацара шоаш кийча ба, аьнна»,-йоах хоамо.
Къамаьла юкъе иштта белагалдир, моллагӀа а ха яьннача наха юкъе физически культуран хьал дукхагӀа дегӀадоаладе дезаш хилар.
Белхарой Руслана хьатӀабоагӀача бекарга бетта дӀаяхьа езача греко-римски латара Россе хьалхале яккхара яхьех дийцар, цига 24 шу даьнна спортсменаш къовсалургба.
Министра яхачох, уж яхьаш дӀахьош хилар да, латар иштта халача ханашка а дика дегӀадоагӀаш долга.
