Москве дӀайихьар « ГӀалгӀайче: Культуран доазонаш» яха викторина
03.07.2025 11:59
«Москверча ГӀалгӀайчен массазарча викала фусаме дӀайихьар шахьарерча вузашка деша багӀача студенташта лаьрхӀа «ГӀалгӀайче: Культуран доазонаш» яха викторина. Из хоам «Сердалога» бир цу моттигера.
Исторецара, къаман Ӏадаташцара шоай кхетам бовзийташ хилар викторине дакъа лаьца Москверча гӀишъерий университета, НИУ МГСУ, МГРИ, РУДН, Къаман тохкама университета «Лакхерча экономикан ишкола» (НИУ ВШЭ) студенташ.
Тайп-тайпарча ханашка хиннача истореца, къаман Ӏадаташца, политикаца, кхоллама оагӀонца дувзаденнача хаттарашта нийса жоп дала дезаш бар кагирхой. Лакхача баллашка кхача аьттув баьлар студентий, иштта къаман культуранца, истореца дувзаденнараш дайзар царна.
