ГӀалгӀай метта хетадаь къамаьл хилар Москве
Наьна метта хьал тоадарах лаьца кхетаче дӀайихьар Москверча массазарча викала фусаме. Цига дешаш бола студенташ бар вӀашагӀкхетаре гулбеннараш. «Сердалога» из хоам бир цу моттигера.
Ерригача Россе къамашта юкъерча кагирхой союза хьалха латтача Оздой Инала кхетаче гойтар «ГӀалгӀай мотт йовхьашца, дешашца» яха проект. Цу оагӀонга гӀолла аьттув баьннарех, иштта бола болх вай къаман мотт лорабара тӀехьа мел лоархӀаме ба дийцар цу кхетаче.
«Кагирхошта юкъе наьна мотт боаржабарах, цунцара лерхӀам чӀоагӀбара тӀехьа юкъедоаладе дезарех дийцар гулбеннараша. Кхувш латташ йолча тӀехьено наьна мотт цӀена лебар, цун хӀама хьаллацар геттара лоархӀаме да тахан, цудухьа цу оагӀонцара болх дикка боаржабе лерхӀ дӀахойодача хана», - белгалдир Москверча ГӀалгӀайчен массазарча викала фусаме гулбенна хиннараша.
