ГӏалгӀай мехка кийчлуш ба, халкъа цхьоагӀон Ди белгалде
ГӏалгӀайчен шахьарашка, кхаленашка, юрташка, паччахьалкхен, юкъарлон моттигашка кийчо еш ба лайчилла бетта 4-ча дийнахьа халкъа цхьоагӀон Денца дувзаденна цӀай дезде. Цу тайпара болх дӀахьош ба ГӏалгӀай Республикан Шолжа кхален администраце.
«Лайчилла бетта диълагӀа Ди - халкъа цхьоагӀон Ди, цо вӀашагӀтох дукхача мехкашка дахаш дола халкъаш, культураш; цар барт-цхьоагӀо хилар белгал а деш. Цӏай хьатӀадоагӀаш, кхален юрташка дика дӀахьу урамаш кийчдара болх, цо бахархой дог айденна а цӀайга кийча а хулийт», - аьлар «Сердало» газетага кхален администраце.
Тайп-тайпарча гӀишлош тӀа, доазонаш тӀа, хьаьшашка моаршал хоатташ дола цӀай хилара гойташ дола йоазош, сурташ хьалтехад. Царна юкъе да халкъа барт, цхьоагӀо, дезал, доттагӀал хестадеш дола йоазош.
Цул совгӀа, из кхетаче дика дӀаяхьа дагахьа, кхоллама тоабаша ашараш лакха, иллеш даха, халхараш гойта лаьрхӀад.
