Хин хьал тоадеш латт республике
03.06.2024 09:18
Ахкан ха хьаоттарца, тишъенна хин турбаш хувцаш, хицара хьал тоадеш болх бе безаш хул мехка.
Шолжа-Шахьарерча ШериповгӀар оалача урам тӀара тишъенна турбаш хувцаш баьхкар болхлой укх наькъа. Из хоам «Сердалога» бир шахьара администраце.
«Хий цӀена дац; цул совгӀа, лерттӀа хьа а дагӀац», - ишттача къамаьлаца леткъар шахьара даьга Ӏумаранаькъан Асланага бахархой. 180 метр йола керда, дикагӀа лоархӀаш йола турбаш чуехкар цига. Цунца цхьана, хий боаггӀача боараме хьаухаргдолаш а, терко йир», - йоах хоамо. Белгалде деза, цу тайпара болх мехкарча ерригача юрташка, шахьарашка беш латтилга. Массайолча моттигашкара хин хьал тоаде лерхӀ ше-ший аргӀагӀа.
