Мехка доазонаш тӀа, бокъо йоацаш мах беш хилара, сунт детт
ГӀалгӀайчен шахьарашка, юрташка бокъо йоацача моттиге мах беш хилар Ӏаьдало cецадеш хургда. Цу тайпара хьал дий хьожаш, болх дӀабихьар Шолжа-Шахьаре, яхаш, дийцар «Сердало» газетага цигарча администраце.
«Из болх дӀахьош ба, эцархой бокъонаш телхаергйоацаш. Ца йоагӀача моттиге мах беш хилар юхатохар духьа, экономически отдела болхлой хилар тха шахьара даькъ тӀа», - аьлар хоам бечо.
Белгалдаьлар, наькъа йистошка гӀолла мах беш латтача нахага, из болх бе бокъо луш дола каьхаташ цахиларал совгӀа, водителашта а шоашта а кхераме гӀулакх цар леладеш хилар.
Йоал йоахача болхлоша, промышленноста Министерствон, МВД, администрацен экономикани ахчани даькъа болхлой чубоагӀаш хиннача тоабо бехк беш дола каьхаташ оттадир, бокъонаш телхаеш хиларах РФ КоАП 14 статьях доагӀаш ма хиллара.
Хоам бу, из болх шахьара даькъ тӀа цахаддаш дӀахьош хиларах.
