ИЗО музее кийчбеш ба гӀалгӀай паччахьалкхен 100 шу дизара гойтам
ХьатӀадоагӀача ерача дийнахьа, ГӀалгӀайчен исбахьален искусствай музее лаьрххӀа хьабелларгба гӀалгӀай паччахьалкхен 100 шу дизара хетабаь «Суртанчаш, говзанчаш, гӀалгӀай паччахьалкхен 100 шу дузаш» яха гойтам. Из лоархӀаме хургда мехка культура езарашта, искусствонна мах оттабе ховрашта.
«Гойтаме гуллургва 60 совгӀа начӀал дола суртанча, кулгаговзал яраш, цар балхашка гӀолла го йиш я гӀалгӀай къаман истори, культура, Ӏадаташ. Цига гулбеннарий таро хургья укх бӀаь шера хьакхелла искусствай балхаш довза, дӀаяхача ханашка леладаьр го», - аьлар «Сердало» газетага исбахьален искусствай Паччахьалкхен музея кулгалхочо ТӀумхой Любас.
Из гойтам хьабелларах хургда; ГӀалгӀайчен истори дезарашта, искусствон мах бовзарашта бокъонца дола цӀай. Хьаьший таро хургья цу гойтама балха мах оттабе, гӀалгӀай паччахьалкхен 100 шу дузаш хилара кийчдаьча культуран вахара сийрда оагӀонаш го, цига дакъа лаца.
