Суртанчацара аргӀанара кхетаче дӀайихьар паччахьалкхен музее. Республикерча суртанчий союза доакъашхо, дошо хӀамаш хьаеш вола лакха начӀал дола говзанча Дахкилганаькъан Бек-хан вар укх наькъа, веза хьаьша ваь, музее вийхар.

«Суртанчацара мук» яха проект, кхоллама оагӀонца сакъердалуча наха юкъе, дикка яржаш латт. Тайп-тайпарча ханага кхаьча нах ба суртанчаца кхетаче е ловраш.

«Къаьстта терко еш дийцар Бек-хана, таханарча хана суртанча волча сага дӀахьоча наькъах. Кагирхошта накъадаргдола, суртанчан болх ма барра боаржабеш дола хӀамаш дар цо дийцараш. Суртанчан болх дукха безараша белгалдир, лакха начӀал долча сагацара кхетаче мел лоархӀам болаш я», - хоам бу «Сердало» газетага музея болхлоша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде