Наьсарерча мехктохкама музее, кулга говзалца хьаяьча хӀамай гойтам хургба
17.10.2023 10:17
Малсаганаькъан Т. Х. цӀерагӀча мехктохкама паччахьалкхен музее хьабелларгба «ГӀалгӀай декоративно-прикладной искусствон гойтам. Говзал вӀаший ювзаеш, Ӏадаташ, хӀанзара дар». Цун тамашийна балхаш бахархошта гургда хьатӀадоагӀача кӀиранца.
«Цу гойтаме хьажа таро хургья, кулга говзалца хьаяьча цӀагӀа лелаеш йолча хӀамашка. Цига хьожаш барашта гургда, кулга говзалца, лерттӀа уйла тӀайохийташ тхах хьадаь хоза гӀирсаш. Гойтам дӀахьош хилара маӀан- дикагӀа йола къаман кулга говзал дӀагойтар, из ма йий вайна даьша йита хозача тӀехьален оагӀув», - аьлар мехктохкама музея кулгалхочо Саганаькъан Мухьмада.
Мохк тохкаш йолча музее белгалдир, «Пушкина карта» яхача федеральни программах цу гойтамга хьажа таро хилар.
