Наггахьа мара го йиш йоацача хӀамай гойтам хьабелларгба республикерча мехктохкама музее
Малсаганаькъан Тухана цӀерах йолча республикерча паччахьалкхен музее, кхоана хьабелларгба «ДӀаяхача замах хьокхавалар» яха гойтам. Цига хьокха оттаяьй 2018-ча, 2019-ча шерашка ГӀаьзе-Коара кораяь хӀамаш.
1000 совгӀа тайп-тайпара хӀама я музея болхлошка хьачуеннар, царна юкъера цхьаяраш наха хьалха гуш я. «Наьсарен кхален исторически лоархӀам бола моттиг хиннай ГӀаьзе-Коара шира шахьар. 10 эзар совгӀа кв.м дӀалоацаш да, из хаьрцачул тӀехьагӀа дисараш. Гаьнарча бӀаьшере хинна дукха хӀамаш, сийленгаш корадир 2018-ча, 2019-ча шерашка Наьсар, Шолж яхача шин хин юкъера лаьтта оахкаш къахьегаш баьхкача археологашта. Кхалнаха куцала лелаяь хӀамаш, хӀама охьаш, йохаеш леладу кхерах даь гӀирсаш, чарахьаша лелаяь хӀамаш, коа тӀарча хьайбай, иштта адамий тӀехкаш чуйола кӀоагаш, кхыйола дукха хӀамаш яр цига гучаяьннараш», - дийцар ИГМК.
Укх бетта 13-ча денга кхаччалца дӀахьоргболча гойтаме, бахархошта довзаргда къаман хьалхара истори, культура.
