«Наркотикашта - ак» яха гойтам хьабийллар мехктохкама музее
07.03.2025 10:51
«Наркотикашта - ак» яха суртий гойтам дӀабихьар республикерча паччахьалкхен мехктохкама музее. Наркомани яхача зулама духьала къовсам лоаттабеча Ден хетадаь дар из гӀулакх. Наркотикаша наьха вахаре доаржадаь во гойташ дола сурташ, иштта цу дерригнех дувцаш лекци яр музее.
«Кагирхоша укх гойтамга гӀолла кхетадергда аьнна хет тхона наркомани яхар мел доккха зулам да. Къаьстта чӀоагӀа хьежар дешархой, шоай мел долча хаттарашта жоп корадир царна укхаза. Музея болхлошца деррига доашхаш ха яьккхар цар», - дийцар тхога цигарча болхлоша.
