Дошлакъий-Юрта тохкамаш деш кораяь хӀамаш дӀаелар мехктохкама музее
![Дошлакъий-Юрта тохкамаш деш кораяь хӀамаш дӀаелар мехктохкама музее](http://serdalo.ru/storage/vLvcD1oolHCzOsW526FV1iuzy9zq3pC767P0sC4T.jpg)
Малсаганаькъан Тухана цӀерагӀча ГӀалгӀай паччахьалкхен мехктохкама музейс тӀаийцар ГӀаьбартой-Балкхарой мехкара хьаьший. Кавказа археологе института директор Атабиев Беслан, цун гӀонча Атабиева Жаннета даьссача кулгашца баьхкабацар ГӀалгӀайче. Цар шоашца енаяр 213 Дошлакъий-Юрта даьча тохкамашка кораяь къаьнара, Къилбаседа Кавказа культуранцара, гаьнарча Кобански культуранна а Аланий заманна а чуйоагӀаш йола хӀамаш.
«ВӀашагӀкхетар долаш, Кавказа археологе института кулгалхоша лелае аьнна тхога хьаелар лоархӀаме архиологеца ювзаенна хӀамаш, царна юкъе да хиш чудехкара гӀирсах диса доакъош, уж вай зама ялалехь ӀӀ эзар шу хьалха хинна хӀамаш я. 2018 шера Дошлакъий-Юрта хиннача тохкама балхаша дукха мах бола кечалаш гучадаьхар. Уж гучадаьннадар «Кавказ» яха боккха федеральни никъ тоабеча хана», - дийцар газетага мехктохкама музея директора Саганаькъан Мухьмада.
Ала деза, института болхлоша, кораяь хӀамаш дӀаязъеш а сурташ доахаш а, дукха къахьийга хиларах. ХӀанз дувцача гӀирсаша кхы тӀа йӀаьхийгӀа хулийтаргья мехктохкама музея фусам, цул совгӀа кӀоаргагӀа тахка гӀо дергда вай мехка а бӀарччача Кавказа а ширача заман культура.