Вай мехкарча РЦСО ший хьалхара хьаьший тӀаэцаргба 2025-ча шера
13.06.2024 10:11
Ха яхача, могашал эшаеннача бахархошта вахара оагӀонцара гӀо деш йолча моттиго ший хьалхара хьаьший тӀаэцаргба, керда шу долалуча хана. Из хоам «Сердалога» бир гӀишлой балхах йолча республикерча Министерствос.
«Цхьан сменах 50 саг тӀаэцаш хургйола лоархӀаме вахара гӀишло тоаяь яла йоалл. Кхаь гектарах латтача доазон тӀа хьалъяьй, кхозза вӀаштӀараяь йоккха, паргӀата гӀишло», - йоах хоамо.
«Кит-строй» яхача гӀишлой балхаш деча фирман болхлой карарча хана тхов тоабаь, юкъера йовкъаш ехка, пенаш шаьрдаь, лагӀаш дӀачӀоагӀдаь, кораш дӀаоттадаь, дӀахора балхаш деш боахк.
«ДегӀаахар» яхача беркатеча къаман проектага гӀолла, дӀахьош болх ба из. 205 млн сом рузкъа да паччахьалкхено цу гӀулакха хьакъоастадаьр.
