ГӀалгӀайчен къаман библиотеке хьабийллар Асадов Эдуарда 100 шу дизара хетабаь гойтам
07.09.2023 15:45
ГӀалгӀайчен Янданаькъан Хамарзий Джамалда цӀерагӀча къаман библиотеке «Сона дегаца гургда» яха книжкай гойтам хьабийллаб. Из хетабаьб цӀихезача эрсий поэта, прозаика, массехк ноахала вовзаш, дего тӀаийцача Асадов Эдуарда 100 шу дузаш хилара.
1944 шера маьтсела бетта Асадов Эдуарда тӀем тӀа чов хилар, из чов чӀоагӀа яь хиларах, лорий вӀаштӀехьадаланзар цун бӀаргса меттаоттаде. «Сона дегаца гургда...» — аьлар поэта, кхы а бархӀ шу даьнначул тӀехьагӀа язъяьча байта тӀа.
Цун книжкаш дешаш да тахан а лирически поэзи езараша. Тха гойтамерча книжкаша хьагойт поэта биографи, цун йоазой книжкаш: «Диц ма делаш!» «Латаш а, тешаш а, езаш а ва!», «Даьхен кӀур», «Доаккхал делаш иразах, доаккхал делаш» яха книжкаш, иштта кхыдараш«, — аьлар «Сердало» газетага ГӀалгӀайчен къаман библиотеке.
