Къаман библиотеко Евкуранаькъан Лида яь ди дездир
ГӀалгӀайчен Къаман Янданаькъан Жамалдий цӀерагӀча библиотеке, Россе йоазонхой Союза доакъашхо яь ди дездеш, гойтам хилар. Байтий а дувцарий а книжкаш кхелла хиларах тарра, из дика йовзаш я берашта лаьрхӀа литературни йоазош ду саг санна.
«Цун кхоллама кепа йийттай «Литературан ГӀалгӀайче, «СелаӀад» яхача журналаш тӀа; цун балхаш да «Россе халкъий таханарча литература тӀа» («Берий литературан издательство»), «ГӀалгӀайчен лира» яхача книжка тӀа («Россе кӀай гӀарагӀураш» яха издательство), кхаь томах латтача гӀалгӀай поэзе антологе тӀа, из арахийцар ГӀР НБ», - аьлар «Сердало» газетага из гойтам кийчбаьраша.
Къаман библиотеке гойтам дӀахьоргба ер бутт чакхбаллалца. Укхаза корадергда хӀаранена шийна дезар- поэтически дош, проза - вахарах дувцаш дола хьаькъале истореш.
