Къаман библиотеке, Россе къамий цхьоагIонна хетабаь гойтам дIабихьар
03.11.2023 10:10
«Къамий цхьоагIо - Россе кхоане» яха гойтам ба вай къаман библиотеке. Хьокха оттадаьд Россерча къамий культурах, исторех, кхолламах, литературах дола хIамаш. «Тайп-тайпарча ханашка, Россе хинна хала шераш дувц исторически романашка, повесташка, дувцарашка. Царна юкъе да 1612-ча шера хиннача хувцамех дола Шокарев С. яздаь «Москвера кегаенна ханаш», Волков В. яздаь «1612. Мукъадалар», Савельев А. яздаь «1612. Минини Пожарскийи. Кегаеннача ханах чакхдалар», иштта кхыдола книжкаш.
Гойтаме баьхкарашта бовзаргба Россе паччахьалкхен истори кхоллаш лаьтта цIихеза нах, боккхий полководцаш»,- дийцар «Сердало» газетага библиотеке.
2005-ча шера денз, дездеш да вай мехка къамий цхьоагIон ди. 1612-ча шера этта хиннача хувцамашца дувзаденна да из ди харжар. Пожарски Дмитрийи Минин Кузьмаи хьалха болаш, Москвера доал шоай каралаца гIийрта полякаш арабоахаш, дов лаьттад.
