Бахархоша дехар даь, тока саьргаш хувцаш боахк Наьсар-Керте
05.03.2025 10:23
Шахьара мэра тӀабаха; тока саьргаш хувца шоаш бахача моттиге, аьнна, дехар даьдар Наьсар-Кертерча бахархоша. Назрановски оалача урам тӀа болх беш, тока саьргаш хувцаш боахк тахан цу мугӀарера къахьегамхой.
Шин даькъа бийкъаб администраце из болх. Таханарча дийнахьа 450 метр дола саьргаш хувца болабеннаб болхлой. Массехк дийнахьа беррига болх йистебаккха лерхӀ цар, Даьла къахетамца.
Шахьара кулгалхоша белгалду, иштта дола балхаш лоархӀаме долга, бахархоша тӀадена цхьа хаттар тохкам ца беш дусаргдоацилга.
