Наьсаре Итазанаькъан урам тоабе дӀаболабаьб
06.04.2025 12:38
Наьсарера Итазанаькъан урам цIенхашта тоабу болх дӀаболабаьб, цо таро лургья цига бахача наьха вахара хьалаш дикка аттачадаха. Цох дийцар «Сердало» газетага шахьара администраце.
2024 шера дӀаболабир къаьнара газа турбаш хувцара болх, из хьалхара боаккхаш гӀа бар урам тоабеча гIулакха юкъе.
Карарча шера Наьсарен мэра Оздой Руслана тӀадиллача декхарах, хийцар хин турбаш, цо таро елар наха ца хадаш хий лоаттаде. Балхаш чакхдаьхар ЦаӀ йола оператор оалача моттиго.
Карарча хана дӀаболабаьб 800 метр бӀаьха никъ геттара чIоагIа тоабара болх. Из йистебаккха лаьрхӀад кастлуш, гӀашлошта а иштта водителашта а аттагӀа хургда дӀа-юха баха, Итазанаькъан урам тIагIолла.
