Наьсаре болх дӀахьош ба, шахьар тоаеш
14.02.2025 13:30
Шахьар тоаяра дӀабахьа лаьрхӀача балха юкъедоагӀаш да, моттигерча Ӏаьдало цӀермашинникъ болча доазон тӀа лостам беш хилар. ДӀадахача балхара салоӀача деношка, из доазув хоздара, тоадара дола балхаш дӀадоладир, цар шахьара куц-сибат хувцаргда, яхаш, дийцар «Сердало» газетага мэре зарбан болх лелабераша.
Моттигерча администраце лаьрхӀад - цӀермашиннаькъа уллув гӀолла дола доазув баьццардерзаде, дукхача шерашка яхаш йола кӀотаргаш, зӀамига гаьнаш дӀа а егӀа. Цо таро лургья Наьсарен-Шахьар хозъе, экологически тоае.
Шахьара Ӏаьдало белгалду, цу тайпара болх дӀахьош хилар лоархӀаме долга. Наьсарен-Шахьар куц хувцаш хилара бахьан да, бахархой вахара хьалаш тоадар, иштта гонахьарча хозален, цхьоагӀон йоакхо еш хилар.
