Нувхаш ӏоувттаяра духьала къовсам лоаттабу Наьсаре
Наькъа оагӏонашца нувхий тӏормигаш ӏоувттадерашта духьала болх дӏахьош ба тахан Наьсаре. Из хоам «Сердалога» администрацера бера.
«Шахьара да волча Оздой Руслана тӏадилла, наькъа оагӏонашца нувхаш ӏоувттаерий из во оамал йохаеш къахьегаш ба тахан. Наьсар-Кертерча Тутайнаькъан цӏерах болча ураме дӏабихьар из болх укх наькъа», - йоах тхога бенача хоамо.
Бахархоша, цхьацца моттигашка наькъа оагӏонашца ӏоувттаеча совъяьннача хӏамаша шахьара куц толхаду. Цхьаккха сага бокъо яц из тайпара ийрча хӏама леладе.
Нахаца къамаьл деш, кхы а контейнераш ӏоувттаеш къахьегаш ба тахан, из ийрча гӏулакх дӏадаккхийта гӏерташ. ЖКХ болхлой ба контейнераш ӏоувттае арабаьннараш.
Цул совгӏа, хьалхагӏа из хӏама бахьан долаш гӏод теха хиннача болхлошца чӏоагӏдаьд, совъяьнна йоккхий хӏамаш цу гӏулакха къоастаяьча моттиге дӏакхухьаргйолаш.
«Бахархошта массахана хьалхадаха деза, шахьара моттигий куц толхадар ийрчача гӏулакхех долга. Боаггӏача боараме дӏадахьа деза совъяьннача хӏамашцара гӏулакх» - дийцар тхога мэре болхлоша. Из болх дӏахобахьа лаьрхӏа ба цига.
