Наьсаре керда берий майда хьае болабеннаб
05.05.2025 16:40
ГӀалгӀайчен Наьсаре керда берий майда хьае йолайир, моттигерча бахархой дехарах, яхаш, дийцар «Сердало» газетага шахьара мэре.
«Керда майда хьаеш я Базорканаькъан проспекта тӀа латтача №4 йолча цӀен юхе. Цу тайпара болх чубоагӀаш ба «80 дика гӀулакх» яхача моттигерча болама, из дӀаболабаьб республикан Кулгалхочо могадарах», - аьлар хоамо.
ДӀадахача салоӀаш хиннача деношка из моттиг дӀайолаяра кийчон болх дӀабихьар. Укхаза хургда салоӀаш болча наха лаьрхӀа гӀандаш, баьццара гаьнаш, иштта салаӀа а паргӀата шоай мукъа ха дӀаяхьа а таро луш йола берий майда.
Проекто шахьара куц хувцаргда, цул совгӀа, шахьара бахархошцара бувзам тоабергба.
