Наькъаш тоаде арабаьннаб Наьсаре
13.03.2025 10:17
Шахьара кулгалхой чӀоагӀонца наькъаш тоаде арабаьннаб Наьсаре. Машинаш дукхагӀа лелаш дола наькъаш да эггара хьалхарча оагӀонца меттадоаладераш. Из хоам «Сердалога» бир шахьара администраце.
Из болх дӀабахьа ши тоаба вӀашагӀъеллай. Московски, Базорканаькъан, Кхоартой цӀераш лелаеча урамашкара кӀоагаш дӀадикъад карарча хана»,- йоах тхога кхаьчача хоамо.
ДӀахойодача хана Беканаькъан цӀерах болча урамера, Юбилейни оалача моттига, иштта ерригача шахьарера телха моттигаш я тоае езараш. Машинашта, бахархошта паргӀата долаш хила деза наькъаш.
