Шахьаре нувхаш йоаржаечар гӀод такха дийзар Наьсаре
14.08.2025 09:20
Шахьара административни комиссе кхетаче дӀайихьар Наьсаре. Из хоам «Сердалога» бир мэре.
«Кхо моттиг гӀалатбаьннараш нийсбалара тӀахьехаш яр, хӀаьта кхыйолча моттигий гӀулакх гӀод тохаш къоастадир. Цхьаццабарашта шолха, кхолха техар гӀод; хӀана аьлча, массехказлагӀа из хӀама леладеш боландаь», - йоах тхога бенача хоамо.
Шахьара куц толхадеш, дага мел дехача нувхаш Ӏоувттаерашта хьалхадаьккхар; нувхаш цу гӀулакха къоастаяь йолча моттиге дӀакхухьаргйолаш чӀоагӀо е, аьнна.
Бахархошта дийцар болх беча моттигашкара лостам лорабар хӀаране декхар долга. Шахьара кулгалхоша массахана, лакха тӀахьожам лоаттабеш, теркалдергдолаш хӀама да из, гӀалатбаьннараша шоашта доагӀа гӀод а токхаргда.
