Наьсаре дийцар, №23 йола керда ишкол хьаелларах
Наьсарен-Шахьара администраце кхетаче дӀайихьар шахьара кулгалхочун гӀончас Алхастанаькъан Хаде кулгал а деш, цига дувца оттадаь дешаш дар доазонаш къоастадар, иштта №23 йолча ишкола тӀехьа зӀамига доакъош тӀачӀоагӀдар, цо таро лургья ший аргӀагӀа лоалахарча №3, №5 йолча шин ишкола тӀалатта низ лаьгӀбе, яхаш, дийцар «Сердало» газетага шахьара мэре.
«720 моттиг йола керда ишкол хьалъеш я «Дешар» яхача къаман программа чуйоагӀаш. Диазза вӀаштӀара яь гӀишло 22 эзар квадратни метр я. Ишколе хургья актови, спортивни залаш, кхача кийчбу моттиг, тӀера барзкъа хьалъолла моттиг, дешара кабинеташ, шоашца лаборатореш, административни моттигаш йолаш», - аьлар хоамо.
Кхетаче иштта дакъа лаьцар Центральни куран кулгалхочун гӀончас, Наьсарен а Магаса а шахьарий дешара урхаллен кулгалхочо, юхеядача дешара моттигий кулгалхоша.
