ГӀалгӀайчен Наьсаре кхувш воагӀа цхьа вахархо къоал деш хиларах дегабуам бу
20.02.2025 16:54
Наьсарера коравир 17-тта шу даьнна къоал леладеш вола саг, ше банка болхло волаш санна, цо кредит доаккхаш новкъостал дир 189 эзар сома, яхаш, дувц «Сердало» газетага тӀахьожама боахаме.
Наьсаре гӀолла ха деча даькъ тӀа ера, Йоккхача Ачалкхера 56 шу даьнна кхалсаг зуламаш леладеш хилара латкъа. Цо дийцар, 2024-ча шера аьтинга бетта, малав ца ховча сага ший цӀерах 189 эзар сома кредит ийцар, из шийна ца йовзача шин чота тӀа даьккхар, цул тӀехьагӀа кхы бувзаме а валанзар.
Уголовни розыска болхлоша сиха лехар Наьсарен 17 шу даьннача вахархочун лар. Цунна духьала уголовни гӀулакх хьадийллад къоал дарах, ИЗ вай республикера араваргвоацаш долча каьхата кулг а яздаьд.
