Зязикова Наьсарера Заьзганаькъан урам тоабеш латт
15.12.2025 15:53
Наьсарен ӏаьдал Заьзганаькъан урам тоабеш да. Укх деношка укхаза сердал тоайир, яхаш, дийцар «Сердало» газетага моттигерча администраце зарбан болх лелабераша.
«Керда лампаш ӏойогӏа лаьрхӏар шахьара кулгалхочо Оздой Руслана. Крепость оалача даькъ тӏа кӏезига яц юкъарлон лоархӏаме моттигаш. Берий беша, иштта дешара моттигашка дагӏача берашта лоархӏаме да сердал хилар, иштта бахархошта кхерамзле йола дика вахара хьалаш хьакхоллар», - йоах хоамо.
Тхоца къамаьл даьчо ма аллара, тӏехьарча хана Наьсарен даькъ тӏа цу тайпара балхаш деш латт.
