Даьла ший духьа бола болам ба Наьсаре дӀахьош
20.03.2025 10:00
Мархий бетта хӀара дийнахьа цхьаь бахача къоаношта, Даьла духьа гӀо деш, дола беркате гӀулакх да вайцига дӀахьош.
Из хоам «Сердалога» бир шахьара администраце. Из хоза гӀулакх хьаллаца юкъевера вай мехкара, ший цӀи ма яккха аьнна цхьа меценат, 40 дезала новкъостал де аьттув баьлар тахан. Тайп-тайпара даараш чудола тӀормигаш дӀадийкъар царна.
Шахьара да волча Оздой Руслана соцам баь, вӀашагӀъелла тоаба я из беркате гӀулакх дӀахьор.
