Наьсаре бокъо йоацача машинаш Iоувттаеш хиларца къовсам лоаттабу
12.02.2025 16:47
Наьсаре МутаIаланаькъан урамах укх массехк дийнахьа рейдаш ю. Уж вIашагIъехкай ОМВД болхлой, шахьара администраце викалаш юкъе а болаш. Уж дIахьош хилара бахьан да «УнахцIенон академи» оалача дарбанчен юхе харцахьа-бакъахьа машинаш Iоувттаеш хилар, яхаш, хоам бу «Сердало» газетага.
«Харцахьарча моттиге Iоувттаяь машинаш, лаьрххIа эвакуатора тIа а увттаеш, дIакхувларгья цигара гIод тохача моттиге лоаттае. Масала, гIашлой лелача моттиге е пхе метрал цунна юхегIа машинаш Iоовттае бокъо луц. Эвакуатор ший бокъонах болх беш я», - аьлар цигарча зарбан болх лелабераша.
ГIод такха дезаргдоацаш, водителаша шоай бокъо йолчча уж машинаш Iоувттаеш хилча, дика хургдар.
