«Бернардо Альбай цӀа» яха спектакль гойтаргья Наьсаре
26.02.2025 10:21
«Беранрдо Альбай цӀа» яха спектакль гойтаргья Наьсарерча эрсий драматически театра актёраша. Из хоам «Сердалога» бир культуран гӀулакхех йолча министерство.
«Керттера режиссёр волча Лаьнанаькъан Ахьмада хьокха оттаергья цӀихезача байтанчан, драматурга Федерико Гарсиа Лоркий пьесах йола спектакль. Испанерча гӀибухе хинна бакъдар да спектакла актёраша гойтар», - дийцар тха газетага.
Альба Бернарда сюжетах, къаман артистка йолча МарзагӀанаькъан Тамарас гойт, низ болча кхалсага яхар де ца туга пхи йоӀ ловргйоацилга. ШоллагӀа вола мар дӀаваьнначул тӀехьагӀа диззача бархӀ шера Ӏаьрж делла лелабе из ший дезал, хӀаьта цар из ла низ хургба е хургбац ховргда вайна укх бетта 27-ча дийнахьа.
